Baster - Paroles de "Black Out"

Mwin l’ariv par bato dan la kal kom zanimo
Mwin té grat li té tap, lès ali kaf na sèt po
Mwin té dans kom zako dan la kour bann gro zozo
Li té i ri mwin té i kri o kaf néna sèt po

Non mwin l’asé viv an kondané
Wi mi vé viv an Réinioné, ni plis ni moin k’in Réinioné
Non mwin l’asé viv an kondané
Wi mi vé viv an Réinioné, ni plis ni moin k’in Réinioné

Mi viv an kaliko kom in kaniar dann fourno
Tro dir lé ton koko po travay dann biro
Kan mi sant mon malèr mon fonnkèr li lèv an flèr
Po fé rèv tout an frèr po tout an kèr i rèv
Kaf yab la pi koulèr

Non mwin l’asé viv an kondané
Wi mi vé viv an Réinioné, ni plis ni moin k’in Réinioné
Non mwin l’asé viv an kondané
Wi mi vé viv an Réinioné, ni plis ni moin k’in Réinioné

Kaf kafé obli pa iyèr po domin
Kaf kafé olé iyèr po domin
Kaf gadyam in zordi po domin
Kaf black amwin mèm dann béton dann géto
Kaf black amwin mèm
Kaf la black aou
Kaf la black out non non

Non mwin l’asé viv an kondané
Wi mi vé viv an Réinioné, ni plis ni moin k’in Réinioné

Kaf black kaf black out, black amwin mèm
Kaf black kaf black aou mèm, kaf ali mèm
Kaf black kaf black anou mèm

Black out, black out black amwin mèm
Black out black out black aou mèm
Black out black out black ali mèm
Black out black out black anou mèm

Posté par Nathalia