Linzy Bacbotte & Serge Lebrasse - Paroles De "Cousin Totor"

Cousin Totor kan bon matin
Lere li aller vers le 10 ere
Avec so sac dans so la main
Li faire couma dire li ene travayer
Ou dimane li ki so metier
Pou lire dire ou li pou begayer
Pas bizin croire ki li ene menter
Ena 15 ans ki li somer
Pas bizin croire ki li ene menter
Ena 15 ans ki li somer

Parmi bannes somers, li ene professionel
Ou alle kot li 9 ere oua trouve li pe dormi
Lere bon matin fine arriver
Li dire so mama prete li 100 sous
Pou paye so bis pou alle debrouiller
Mais moi mo conner li ena rendez vous

Bizin guette li lors grand simin
So sapo fetre pousse par derriere
Semiz a fler, calecon Mericain
Kot la croisee, li couma poster
Semiz a fler, calecon Mericain
Kot la croisee, li couma poster

Moussoir li preter avec so belle-ser
Souliers li preter avec mari so ser

Lere li rode tifi pou li faire galant
Li dimander si zot ena frere
Si zot dire li oui zot ena
Alors li risser parski li per

Li frequenter l'annee derniere
Lere banane fine arriver
Pou pas donne cado li leve la guerre
Li leve la guerre apres li aller
Pou pas donne cado li leve la guerre
Li leve la guerre apres li aller

Oui mais sane coup la
Papa tifi la
Fine nettoye Totor
pou li pas faire encor

Hier bon matin mo pe aller
Mo zoine Totor pe marse travers
Mo dimane li ki fine arriver
Li dire moi: "veille ou zafer"

Ayo Totor mo bien conner
Ki bolom la fine casse to cotes
Tous bannes galants ki couma toi
Sa meme kiapel Galants Polipotes
Tous bannes galants ki couma toi
Sa meme kiapel Galants Polipotes

Tous bannes galants ki couma toi
Sa meme kiapel Galants Polipotes...

Compositeur: Serge Lebrasse
Interprete: Linzy Bacbotte (version originale: Marie Rose Ducasse)

Postées par SegaMan