Dominique Barret - Paroles de "La pêche flambeau"

En l'air la colline st gilles
Dan'mon 'ticaz' dan'soleil
Moin na un'ti cochon
Un gros mal mani'
Deux, trois volail' cou plumé
Un' ti cabri
Le jour mi plant' mon pied'bred
Choux t'chine avec bred morel
Pou fraichi la bouche moin nana papaye
Deux, trois pied' piment pou fé mon rougail
Po donne le goût poisson d'ail

Mi sa va pêche flambeau
Po atten' la lune tombe dan l'eau
Avant que mi rale un'ti mégot

Mi sa va la pêche la nuit'
Po essy' souk' zourit
Sa lé plus dur qu'pêche bichique

Quand soleil tomb' dan la mer
Quand ti zoiseau blanc fé la prière
Mi sen la rive mon l'heur' po alé
Ramasse tout mon train po alé péché
Mon 32 ek mon moresse

Mon fouine avec mon kabai
Mon sac vacoa mon chapeau la paille
Mon boui' d'zalumer' ek mon cigarette
La pa besoin tramaille

Coté l'hermitage
Mi arrive
Dan' sab' su la plage
Mi assise
Mi commence arrange mon flambeau
Ramasse de bois filaos
Mon dalon garçon toto la rive ek bertel
La pêche i s'ra bel

Bordage la pass st gilles
Deux flambeau té qui danse su la mer
Deux zetoil la d'scen' po war
Si la mer gilles lé toujours gaillard
La trouv' pêcheur flambeau
Alors profère rest' coté d'l'eau
C'est com' ça qu'la la mer la embrasse le ciel
Com zézèr nénère en lune de miel
C'est ça la pêche flambeau

Posté par Mary@